Primaderan kultur denboraldiaren 6. edizioa iraganen da aste honetan Bastidan. Asteazkenetik ostiralerat egonaldi artistikoak antolatuak dira. Gonbidatuak diren artistetan, Oreka TX taldeko musikariak, Guadelupeko HEDO kolektiboko dantzariak eta Kongoko Orakle Ngoy slamlaria. Artistek 3 egun dituzte, larunbatean eskeiniko duten kontzertua prestatzeko. Elkartrukatzea eta jokoa tarteko, sorkuntza denboraldia izanen da.
Larunbatean 21:00etan iraganen da kontzertua Inessa De Gaxen gelan, 10 €-tan da sartzea, 5 €-tan elkarteko kide, ikasle eta langabezian direnentzat eta kitorik 12 urtez petikakoentzat. Lekuan berean jateko eta edateko 19:00etatik aitzina. Xehetasunentzat eta erreserbatzeko contact@clarenza.org helbide elektronikorat idatz dezakezue.